“Barselona”da ciddi itki

İspaniyanın “Barselona” klubunun 22 yaşlı yarımmüdafiəçisi Qavi La liqanın 2-ci turunda “Elçe” ilə matçda (5:0) zədələnib.

Allsport.az xəbər verir ki, birinci hissənin sonunda əvəzlənən futbolçuya sağ dizin əzilməsi diaqnozu qoyulub.

Onun dəqiq bərpa müddəti bəlli olmasa da, onun yaxın vaxtlarda məşqlərə qayıdacağı gözlənilir.

İspaniyalı futbolçu 2023-cü ildə ön çarpaz bağların qırılması səbəbindən ağır diz zədəsi almışdı.