BƏƏ klubunda

“Olimpiakos”un hücumçusu Mehdi Taremi karyerasını Birləşmiş Ərəb Əmirliklərində davam etdirəcək.

Allsport.az xəbər verir ki, “Əl-Vəsl” iranlı futbolçunu transfer edib.

Ərəblər Taremi üçün Yunanıstan klubuna 400 min avro təzminat ödəyiblər. 34 yaşlı forvard “Əl-Vəsl”lə 2027-ci ilin 30 iyun tarixinə kimi nəzərdə tutulan müqavilə imzalayıb.

“Olimpiakos” Mehdi Taremini 2025-ci ilin yayında “İnter”dən 2 milyon avroya transfer etmişdi. İran millisinin üzvü Pirey təmsilçisinin heyətində meydana çıxdığı 39 rəsmi matçda 16 qol və 6 məhsuldar ötürmə ilə yadda qalıb.