Ölkəsinə qayıtdı

“Ayntraxt Frankfurt”un hücumçusu Elye Vahi karyerasını ölkəsində davam etdirəcək. 

Allsport.az xəbər verir ki, “Nitsa” 23 yaşlı oyunçunu icarəyə götürüb.

Forvard 2026/27 mövsümünün sonunadək Fransa klubunda çıxış edəcək. Müqavilədə satınalma bəndi də yer alıb.

Xatırladaq ki, Vahi 2025-ci ilin yanvarında “Lans”dan “Ayntraxt Frankfurt”a keçib. O, Almaniya klubunda bütün turnirlərdə 25 oyuna çıxıb, 1 qol vurub və 3 məhsuldar ötürmə edib.

Fransalı hücumçu ötən mövsümün ikinci yarısını da icarə əsasında “Nitsa”da keçirib. O, 19 oyunda 9 qol və 2 məhsuldar ötürmə ilə yadda qalıb.