“Yuventus” onu göndərdi

İngiltərənin “Bornmut” klubu heyətini yeni qapıçı ilə gücləndirib.

Allsport.az xəbər verir ki, Premyer liqa təmsilçisi “Yuventus”dan Mikele Di Qreqorionu icarəyə götürüb.

İtaliyalı qolkiper mövsümün sonuna kimi “Bornmut”un formasını geyinəccək. “Qırmızı-qaralar” 29 yaşlı “əlcək-sahibi” üçün Turin klubuna 1,3 milyon avro icarə haqqı ödəyiblər.

“Yuventus” Mikele Di Qreqorionu 2024-cü ilin yayında “Montsa”dan transfer edib. İtaliya millisinin üzvü 2025/26 mövsümündə “A” seriyası nəhənginin heyətində meydana çıxdığı 37 rəsmi matçda 36 qol buraxıb. O, 17 qarşılaşmada qapısını toxunulmaz saxlamağı bacarıb.