İtaliya klubunda yeni çalışdırıcı

“Empoli”nin mətbuat xidməti komandanın baş məşqçisi Aurelio Andreazzolinin istefa verdiyini və onun yerinə Davide Nikolanın təyin edildiyini açıqlayıb.

Allsport.az xəbər verir ki, 50 yaşlı mütəxəssis klubla müddəti uzatma seçimi ilə 1 illik müqavilə imzalayıb.

Nikolanın əvvəlki iş yeri “Salernitana” idi. Onun məşqçilik karyerasında “Torino”, “Cenoa” və “Udineze” kimi klublar da var.

“Empoli” hazırda “A” Seriyasının turnir cədvəlində 19-cu yeri tutur.