“Kəpəz” evdə autsayderlə görüşə Bakıda hazırlaşır

Premyer liqanın 21-ci turunda Gəncədə AzAL-la qəbul edəcək “Kəpəz” klubu bu gün məşqləri bərpa edəcək. Allsport.az saytı xəbər verir ki, qarşıdakı oyun üçün hazırlığa Bakıda start verəcək “sarı-göylər” Azərbaycan Dövlət Bədən Tərbiyəsi və İdman Akademiyasının meydanında məşq edəcək.

Komandanın hazırlığı saat 15:00-a təyin olunub. Sabahkı məşq isə saat 11:00-da başlayacaq. “Kəpəz” martın 4-də Gəncəyə gələcək və oyun öncəsi son çalışmasına matçın keçiriləcəyi şəhər stadionunda çıxacaq.