“Kəpəz” Qəbələ səfərinin hazırlığına başlayıb

Topaz premyer liqasının 25-ci turunda “Qəbələ”nin qonağı olacaq “Kəpəz” bu gündən oyunun hazırlığına başlayıb.

Allsport.az saytı xəbər verir ki, “Səbail”ə qarşı son çempionat matçından sonra bərpa (sauna, baseyn, masaj) keçən komanda üzvləri bir gün istirahət edib.

“Sarı-göylər”in bu günkü məşqi Azərbaycan Dövlət Bədən Tərbiyəsi və İdman Akademiyasının meydançasında olub. Sabah Gəncəyə gələcək “Kəpəz” əsas hazırlığı doğma şəhərdə keçirəcək.