“Kəpəz” sabah məşqləri bərpa edəcək

Premyer liqanın 21-ci turunda AzAL-la Gəncədəki oyundan sonra iki günlük istirahətə buraxılan “Kəpəz”in əsas komandası məşqləri martın 8-də bərpa edəcək. Allsport.az saytı xəbər verir ki, məşqçilər və futbolçular Bakıda bir araya gələcək.

“Sarı-göylər” həftə boyunca qarşıdakı turda görüşəcəyi “Zirə” ilə oyunun hazırlıqlarını paytaxtda keçirəcək. Komanda Azərbaycan Dövlət Bədən Tərbiyəsi və İdman Akademiyasının meydanında məşq edəcək.    “Kəpəz”in sabaha təyin olunan məşqi saat 11:00-da başlayacaq.