“Kadis” mərhələ adladı, Eddi İsrafilov 17 dəqiqə meydanda oldu

İspaniya kubokunda 2-ci mərhələnin oyunları keçirilib. Allsport.az saytı xəbər verir ki, Azərbaycan millisinin yarımmüdafiəçisi Eddi İsrafilovun çıxış etdiyi “Kadis” evdə “Levante” ilə qarşılaşıb. Görüşün əsas vaxtı 1:1 hesabıyla bitib.

Tərəflər əlavə yarım saatda da qalibi müəyyənləşdirə bilmədiyindən, 11-metrlik zərbələrinə ehtiyac duyulub. Penaltiləri daha dəqiq yerinə yetirən – 3:2 – futbolçumuzun komandası növbəti mərhələyə adlayıb.

Həmvətənimiz bu görüşün iştirakçısı olub. O, 73-cü dəqiqədə meydana çıxıb. 81-ci dəqiqədə isə sarı vərəqə ilə cəzalanıb.