Malik Həsənov lisenziya turnirində polşalı rəqibini məğlub edib

Azərbaycan boksçusu Malik Həsənov Tailandın paytaxtı Banqkokda keçirilən II dünya olimpiya təsnifat turnirinə qələbə ilə başlayıb. 

Allsport.az xəbər verir ki, 63,5 kq çəkidə mübarizə aparan yığma üzvü ilk görüşündə polşalı Bartlomey Roskovijlə qarşılaşıb. 

Həsənov hər 3 raundu xeyrinə bitirib. 5:0 (29:28, 30:27, 30:27, 30:27, 30:27) hesabı ilə qələbə qazanan boksçumuz 1/16 finala yüksəlib. O, ikinci görüşündə Çol Man Çoe (Şimali Koreya) ilə üz-üzə gələcək. Döyüş mayın 28-də olacaq. 

Qeyd edək ki, bu gün axşam sessiyasında Sərxan Əliyev (71 kq) də rinqə çıxacaq.