Avropa birinciliyini 4 medalla başa vurdu

Bosniya və Hersoqovinanın paytaxtı Sarayevoda yeniyetmə boksçular arasında Avropa birinciliyinə yekun vurulub.

Allsport.az xəbər verir ki, Azərbaycan millisi yarışın son günündə daha 2 medalı rəsmiləşdirib.

Komandamızın heyətində Nihat Qasımov (48 kq) və Səftər Məmmədzadə (80 kq) gümüş mükafata yiyələliblər.

Nəticədə yığmamız Avropa birinciliyini 4 medalla başa vurub. Daha öncə Aylin Nəzərova (48 kq) və Əminə Tağı (52 kq) fəxri kürsünün üçüncü pilləsinə yüksəlib.