“Neftçi” Bundesliqa klubuna kiçik hesabla uduzub

Avstriyada təlim-məşq toplanışında olan “Neftçi” klubu Almaniyanın “Şalke-04” komandası ilə yoxlama matçı keçirib. Allsport.az saytı xəbər verir ki, oyun bizimkilərin 0:1 hesablı məğlubiyyəti ilə başa çatıb.

Noykirxen şəhərində “Sportzentrum” stadionunda keçirilən qarşılaşmada yeganə qolu oyunun 27-ci dəqiqəsində Tekbete vurub.

“Ağ-qaralar” növbəti sınaq görüşünü iyulun 30-da Birləşmiş Ərəb Əmirliyinin “Əl Ain” klubuna qarşı keçirəcək. Avqustun 2-də isə “Neftçi” Almaniyanın “Herta” klubu ilə üz-üzə gələcək.