“Neftçi” eyni gündə 2 dəfə uduzdu

Antalyada məşqlərini davam etdirən “Neftçi” bu gün 2 yoxlama oyunu keçirib.

Allsport.az saytı xəbər verir ki, Tərlan Əhmədovun komandası öncə Rumıniyanın “Konkordiya” klubu ilə üz-üzə gəlib. Günorta saatlarında baş tutan qarşılaşma rəqibin 1:0 hesablı qələbəsi ilə başa çatıb.

Axşam saatlarında “ağ-qaralar” Bolqarıstan “Slaviya”sı ilə görüşüb. Bu oyunda da “Neftçi” eyni hesabla məğlub olub. Bayraqdar Antalya toplanışı çərçivəsində daha öncə Rusiya premyer liqası klubu Xabarovsk OİK-nə 1:8 uduzmuşdu.