“Neftçi” klubu Kazbek Tuayevi təbrik edib

“Neftçi” klubunun müşahidə şurasının sədri Çingiz Abdullayev SSRİ çempionatının bürünc medallarının qazanılmasının 50 illiyi münasibətilə veteran futbolçu Kazbek Tuayevi təbrik edib. Allsport.az saytı xəbər verir ki, ona xatirə hədiyyəsi təqdim olunub.

O zaman “Neftyanik” adlanan klub 1966-cı ildə Güclülər dəstəsini 3-cü pillədə başa vurmuşdu. Hazırda Tofiq Bəhramovun adını daşıyan Respublika stadionunda baş tutmuş həlledici görüşdə komandamız Moskva “Spartak”ını 3:0 hesabı ilə məğlub etmişdi.