“Neftçi” rumıniyalı hücumçu ilə 1illik müqavilə bağlayıb

“Neftçi” rumıniyalı hücumçu Katalin Tira ilə müqavilə imzalayıb. Allsport.az saytı xəbər verir ki, gənc hücumçu növbəti 1 il ərzində paytaxt klubunun formasını geyinəcək.

2009-2010-cü illərdə İtaliyanın “Udineze”, 2010-2013-cü illərdə isə “Latsio” komandalarının formasını geyinmiş forvard, 2013-cü ildə Rumıniyanın 21 yaşadək futbolçulardan ibarət yığma komandasına dəvət alıb.

2013/2014-cü illər mövsümünü Niderlandın “Den Haaq” klubunda keçirmiş Tira daha sonra vətəninə qayıdıb. 2014-2016-cı illərdə Rumıniyanın “Braşov” və “Konkordia” klublarında çıxış etmiş gənc hücumçunun son klubu Buxarest “Rapid”i olub.