“Neftçi”nin 2 futbolçusu Şimali İrlandiya yığmasına qarşı oyuna çağrılıb

“Neftçi” klubunun 2 futbolçusu Azərbaycan millisinə dəvət olunub. Allsport.az saytı xəbər verir ki, Ruslan Abışov və Namik Ələskərov DÇ-2018-in seçmə mərhələsində Şimali İrlandiya yığması ilə iyunun 10-da Tofiq Bəhramov adına Respublika stadionunda keçiriləcək oyuna çağırılıblar.

Milli komandamız bu matça hazırlıq məqsədilə mayın 15-dən 20-dək Bakıda, bu ayın 20-dən iyunun 3-dək Avstriyada təlim-məşq toplanışı keçəcək. Hazırlıq prosesi gələn ayın 3-dən etibarən yenidən paytaxtımızda davam edəcək.