Polşa – Azərbaycan oyununun məkanı açıqlanıb

Futzal üzrə millimizin 2024-cü il dünya çempionatının əsas mərhələsində Polşa ilə səfər oyununun məkanı müəyyənləşib. Allsport.az xəbər verir ki, qarşılaşma Koşalin şəhərindəki idman zalında baş tutacaq.

Bu, VI qrupun sonuncu görüşü olacaq. Martın 7-də təşkil olunacaq matçın başlama saatı hələ açıqlanmayıb.

Buna qədər Azərbaycan millisi Bakıda Yunanıstan yığmasını qəbul edəcək. Martın 3-də Bakı idman sarayında keçiriləcək qarşılaşma saat 20:00-da start götürəcək.