Qaradağdan 6 medalla

Monteneqronun Budva şəhərində gənc boksçuların dünya kubokuna yekun vurulub. Allsport.az saytı xəbər verir ki, Azərbaycan millisi 25 ölkədən 176 (58 qız, 118 oğlan) boksçunun qatıldığı yarışı 6 medalla başa vurub.

Ömər Aslanlı (54 kq) gümüş, Məhəmmədəli Aşurəliyev (57 kq), Ziya Həsənov (71 kq); Nərmin Əlizadə (50 kq), Aynur Mikayılova (52 kq) və Emili Rzayeva (66 kq) bürünc mükafata sahib olublar.