Qrizmann Messini ötdü

“Atletiko Madrid”in futbolçusu Antuan Qrizmann la liqanın tarixinə düşüb.

Allsport.az xəbər verir ki, fransalı hücumçu İspaniya çempionatında ən çox oyun keçirən əcnəbi futbolçu olub.

34 yaşlı Antuan 29-cu turda səfərdə “Espanyol”a (1:1) qarşı görüşdə 521-cü dəfə meydana çıxıb. O, bu göstəricidə “Barselona”nın əfsanəsi Lionel Messini (520 matç) ötüb.

Qrizmann bu mövsüm la liqada 29 oyunda 8 qol və 5 məhsuldar ötürmə ilə yadda qalıb.