Rəhman Hacıyev: “Qarabağ”la oyuna 3 xal üçün çıxacağıq

“Neftçi” ölkə çempionatının 20-ci turunda “Qarabağ”la oyunun hazırlığını davam etdirir. Allsport.az saytı xəbər verir ki, bu gün komanda “8-ci km” stadionunda məşq keçib. Yarımmüdafiəçi Rəhman Hacıyev klub televiziyasına açıqlamasında “Qarabağ”la oyun öncəsi fikirlərini bildirib:

“Sabah bizi çox çətin oyun gözləyir. İki oyundu qələbə qazanırıq. Komandada inam və istək var. Hər şey qaydasındadır. Meydana 3 xal üçün çıxacağıq. İnşallah, qələbə qazanarıq. Komandama inanıram”.

Martın 14-də baş tutacaq “Neftçi” – “Qarabağ” oyunu saat 18:00-da başlanacaq.