Rəşford maaşının azaldılmasına razılaşmalıdır

“Aston Villa”nın hücumçusu Markus Rəşford “Mançester Yunayted”dən Birmingem klubuna tam transfer olunması üçün maaşını azaltmalı olacaq.

Allsprot.az xəbər verir ki, 27 yaşlı futbolçu fevralın əvvəlində “qırmızı şeytanlar”dan icarəyə götürülüb.

Rəşfordun hazırkı maaşı həftədə 350 min funt-sterlinqdir.

Markus Rəşford Unay Emerinin komandasında bütün yarışlarda 11 oyun keçirib, üç qol vurub və dörd məhsuldar ötürmə edib.