“Təyyarəçilər” antirekordu təkrarlayıb

Premyer liqanın 25-ci turunda “Sumqayıt”la qarşılaşan AzAL mövsümdə 17-ci məğlubiyyətini alıb. Allsport.az saytı xəbər verir ki, 1:2 hesabı ilə uduzan paytaxt təmsilçisi bununla da tarixinin antirekordunu təkrarlayıb. 2005/06 mövsümündən güclülər dəstəsində çıxış edən “təyyarəçilər”, bir turnirdə ən pis halda 17 dəfə uduzub.

Həmin antirekord 2013/14 mövsümündə qeydə alınıb. Lakin 3 il öncə bakılılar daha çox – 36 matçda 17 məğlubiyyətə üzülüb. 2016/17 mövsümündə özünün antirekordunu təkrarlayan AzAL artıq 25 qarşılaşmada 17 dəfə xalsız qalıb.