Toğrul Ərat hesabı açdı və qol ötürməsi verdi, “Duysburq” yarımfinala çıxdı

Almaniyada Niderhayn regional kubokunda 1/4 final mərhələsinin oyunları keçirilib. Allsport.az saytı xəbər verir ki, Azərbaycan millisinin yarımmüdafiəçisi Toğrul Əratın komandası “TuRU Düsseldorf”la qarşılaşıb.

Matç “Duysburq”un 6:0 hesablı qələbəsi ilə başa çatıb. Görüşə start heyətdə başlayan və 90 dəqiqə meydanda olan futbolçumuz, qarşılaşmada ilk qolu vurub. O, 2-ci qolda da məhsuldar ötürmə ilə yadda qalıb.

Bu qələbə Əratın komandasını yarımfinala çıxarıb.