Ufuq Budağın komandası Türkiyə kubokunda qrup mərhələsini qələbə ilə başlayıb

Türkiyə kubokunda qrup mərhələsinə start verilib. Allsport.az saytı xəbər verir ki, Azərbaycan millisinin üzvü Ufuq Budağın şərəfini qoruduğu “Kayserispor” doğma meydanda “Boluspor”u qəbul edib.

Matç futbolçumuzun komandasının qələbəsi ilə başa çatıb – 3:0. Həmvətənimiz qarşılaşmada meydana çıxmayıb. O, görüşü sonadək ehtiyat oyunçular skamyasından izləyib.