Vinisius qalır, ya gedir?

“Real Madrid” hücumçusu Vinisius Juniorla yeni müqavilə bağlayacaq.

Allsport.az xəbər verir ki, “kral klubu” braziliyalı futbolçusu ilə müddəti 2030-cu ilin yayına qədər olan sözləşməni razılaşdırıb.

Vinisius yeni müqaviləyə əsasən, illik 20 milyon avro (bonuslarla 30 milyon avro) qazanc əldə edəcək.

Vinisius Junior cari mövsüm ərzində meydana çıxdığı 51 oyunda 21 qol və 15 məhsuldar ötürmə müəllifi olub.