“Yuventus”un yetirməsi vəfat edib

İtaliya futbolu ağır itki ilə üzləşib.

Allsport.az xəbər verir ki, “Yuventus”un akademiyasının yetirməsi olan gənc yarımmüdafiəçi Yakomo Qyardelli uzun müddətdir mübarizə apardığı xəstəlik səbəbindən 22 yaşında dünyasını dəyişib.

2004-cü ildə anadan olan Qyardelli futbola “Yuventus” və “Alesandriya” klublarının akademiyasında başlayıb.

Daha sonra “D” Seriyasında çıxış edən “Asti” klubuna transfer olunan gənc yarımmüdafiəçi 2024/25 mövsümündə də əsas heyətdə yer alırdı. Lakin xəstəliyinin kəskinləşməsi səbəbindən o, futbol karyerasını yarımçıq qoymaq məcburiyyətində qalmışdı.