“Zirə” Trinidad və Tobaqo yığmasının futbolçusunu icarəyə götürüb

“Zirə” yeni futbolçu ilə müqavilə bağlayıb. Allsport.az saytı xəbər verir ki, “qartallar” Trinidad və Tobaqo yığmasının üzvü Jomal Uilyamsla anlaşıb. Onunla 6 aylıq müqavilə bağlanılıb.

23 yaşlı hücumçu cari mövsümün sonuna kimi “W Connection” klubundan icarəyə götürülüb. Tərəflər arasında anlaşmaya əsasən futbolçu ilə icarə müqaviləsini artırmaq və ya birdəfəlik transfer etmək hüququ “Zirə”yə məxsusdur.

Jomal Uilyams 29 nömrəli futbol geyimində çıxış edəcək.