Amit Quluzadəsiz “Atletiko” yenə xal itkisi ilə üzləşdi

Portuqaliya ikinci liqasında 33-cü turun oyunları keçirilib. Allsport.az xəbər verir ki, azərbaycanlı futbolçu Amit Quluzadənin komandası – “Atletiko” da növbəti matçına çıxıb.

Sözügedən komanda doğma meydanda “Maritimo B” klubu ilə qarşılaşıb. Görüş 2:2 hesabıyla başa çatıb. Amitin adı matçın iştirak ərizəsində yer almayıb.

Qeyd edək ki, “Atletiko” hazırda 32 xalla 23-cü pillədə qərarlaşıb.