Forgot Password New Account

FOTO
Avropa Oyunlarının təqdimatı Berlində də gerçəkləşdi

Bakı-2015
14 oktyabr 2014 / 13:05 Baxış sayı: 1121
Bakı-2015-in təqdimat mərasinin Almaniya paytaxtında keçirilməsi məqsədi ilə gənclər və idman naziri Azad Rəhimov bu ölkədə rəsmi səfər edib. Allsport.az saytı axəbər verir ki, oktyabrin 13-də Berlinin tarixi məkanlarından biri olan Bode Muzeyində baş tutan tədbirdə, ilk olaraq qonaqlar üçün alman dilində Bakı 2015-ə həsr olunmuş film nümayiş olunub.
Sonra tədbirdə Azərbaycanın gənclər və idman naziri Azad Rəhimov, ölkəmizin Almaniyadakı səfiri Pərviz Şahbazov, Almaniya Bundestaqının Cənubi Qafqaz dostluq qrupunun sədri xanim Karin Ştrents, Almaniya Olimpiya Komitəsinin prezidenti Alfons Hörman çıxış ediblər.
Nazir Azad Rəhimov öz çıxışında ilk olaraq Almaniya Azərbaycan dostluq münasibətlərindən söz açıb. Bununla yanaşı Azad Rəhimov Heydər Əliyev Fondunun prezidenti Mehriban Əliyevanın sədrliyi ilə birinci Avropa Oyunlarına hazırlıq məqsədi ilə görülən işlər haqda qonaqlara məlumat verib və qısa zamanda  Bakıya rəsmi səfəri gözlənilən  Beynəlxalq Olimpiya Komitəsinin prezidenti Tomas Baxın ölkəmizin 2015 Avropa Oyunlarına hazırlıq prossesi ilə yaxından tanış olmaq imkanından məmnunluğunu qeyd edib.  Sitat:
“8 aydan sonra Bakı şəhəri Avropa oyunlarına ev sahibliyi edəcək. Hər birinizi Bakıda görmək bizim üçün çox xoş olacaq. Yarışlara 20 idman növü üzrə 6000-dən artıq atlet və 3000 rəsmi nümayəndə qatılacaq. 16 olimpiya idman  növündən 11-i Rioda keçiriləcək Olimpiya oyunlarına lisenziya qazandıracaq. 2015 Avropa oyunlarında Azərbaycan  dünyanın 50 şəhər  və 22 ölkəsinə 60-dan çox uçuş təşkil edəcək”.
Nazir Azad Rəhimov eyni zamanda öz çıxışında 2016-cı ildə ölkəmizin Formula 1 Grand Prix yarışına ev sahibliyi edəcəyi və bu məqsədlə Formula 1-in rəhbəri Bernie Ecclestoneun bir neçə gün bundan öncə Bakıya səfər etdiyini diqqətə çatdırıb. Bununla yanaşı Azad Rəhimov növbəti illərdə Bakının ev sahibliyi edəcəyi beynəlxalq turnirlər haqqda da qısa məlumat verib.
Tədbirin sonunda Ənvər Sadıxov və qrupunun müşayəti ilə konsert proqramı keçirilib.
02_ 09_ 08_ 07_ (1) 03_

Həmin kateqoriyadan