Azərbaycan kuboku ləğv edildi, yüksək liqa ilə bağlı qərar veriləcək

Futzal Federasiyasının iclası keçirilib. Allsport.az xəbər verir ki, koronavirus pandemiyası ilə əlaqədar mart ayında yarımçıq dayandırılan yüksək, 1-ci və 2-ci liqalar, Azərbaycan kuboku ilə bağlı müzakirələr aparılıb və aşağıdakı qərarlar qəbul olunub:

– 1-ci və 2-ci liqalarda, Azərbaycan kuboku yarışında 2019-2020-ci il mövsümü başa çatdırılsın. Liqalarda hazırda turnir cədvəlində birinci pillədə yer alan komandalar – müvafiq olaraq “AjaxBaku” (1-ci liqa) və NTD (2-ci liqa) – qalib elan olunsun.

 – Yüksək liqa ilə bağlı məsələyə koronavirus pandemiyası ilə əlaqədar vəziyyət və nazirlər kabineti yanında operativ qərargahın qəbul etdiyi qərarlar nəzərə alınmaqla növbəti həftələrdə baxılsın.