Azərbaycan – Norveç oyununun biletləri satışda

Dünya Kuboku-2018-in seçmə mərhələsində keçiriləcək Azərbaycan – Norveç oyununun biletləri satışa çıxarılıb. Allsport.az saytı xəbər verir ki, biletlər 2 dərəcəyə bölünüb.

Oktyabrın 8-də Bakı Olimpiya Stadionunda keçiriləcək görüşdə qiymətləri birinci kateqoriya üzrə 1, ikinci kateqoriya üzrə 2 manat təşkil edir. VİP-dən oyunu izləmək istəyənlər isə 10 manat ödəməlidirlər.

Biletləri “28 Mall” Ticarət Mərkəzində, “Bakcell” Müştəri Xidmətləri mərkəzində, Bakı Olimpiya Stadionunun və “Bakcell Arena”nın kassalarında əldə etmək olar.