Elxan Məmmədov millimizə daha bir legionçu gətirir

Türkiyənin “Bursaspor” klubunun forvardı Dəniz Yılmaz Azərbaycan millisindən dəvət alıb. Allsport.az saytı xəbər verir ki, bunu futbolçunun meneceri Ərdəm Qaragöl açıqlayıb:

“Dəniz Yılmaz indiyə kimi Türkiyə yığmasının heyətində oynamadığından Azərbaycanda çıxış etməsi üçün heç bir əngəl yoxdu. Deniz əslində “ay-ulduzlu”ların formasını geyinmək istəyirdi. Amma bu baş vermədiyindən onu sevindirən bu təklifə isti yanaşır.

Hazırda bu haqda düşünmək üçün bir az vaxt istəyir. O, indi “Bursaspor”un mövsümöncəsi təlim-məşq toplanışındadı. 3-4 günə qərarını verəcək”.