Fransada sabitliyi pozmaqda günahlandırılan Rusiya vətəndaşı saxlanılıb. Onu 30 il həbs gözləyir

Paris prokurorluğu çərşənbə axşamı 1984-cü il təvəllüdlü Rusiya vətəndaşının (adı qeyd olunmayıb) saxlanıldığını elan edib. Allsport.az saytı xəbər verir ki, o, “Olimpiya oyunları zamanı sabitliyin pozulmasına səbəb ola biləcək tədbirlərin təşkilində” ittiham olunub.

Yerli hakimiyyət orqanları “Fransada hərbi əməliyyatlara təhrik etmək məqsədi ilə xarici dövlətin iştirakı ilə kəşfiyyat fəaliyyətinin aparılması” faktı ilə bağlı məhkəmə istintaqı başlayıb.

Fransada belə bir cinayətə görə 30 il həbs cəzası tələb olunur.