Futbolçumuz komandasının qələbəsini kənardan izlədi

Almaniya 2-ci Bundesliqasında 25-ci turun oyunları keçirilib. Allsport.az xəbər verir ki, Azərbaycan millisinin hücumçusu Dmitri Nazarovun şərəfini qoruduğu “Karlsrue” də növbəti oyununa çıxıb.

Sözügedən komanda səfərdə “İnqolştadt”la üz-üzə gəlib. Görüş qonaqların 3:1 hesablı qələbəsi ilə başa çatıb. Millimizin üzvü matçı sonadək ehtiyat oyunçular skamyasından izləyib.

Qeyd edək ki, “Karlsrue” 43 xalla turnir cədvəlinin 4-cü pilləsində qərarlaşıb.