Millimizin rəqibindən 1:10 hesablı məğlubiyyət

Final mərhələsi 2022-ci ildə Niderlandda keçiriləcək Avropa çempionatının seçmə mərhələsində millimizlə bir qrupda yer alan Moldova yığması yoldaşlıq oyunları keçirib. Allsport.az xəbər verir ki, səfərdə Fransa millisi ilə qarşılaşan rəqibimiz ilk matçda 1:10 hesabı ilə yenilib.

Dünən keçirilmiş ikinci oyunda isə qələbəni moldovalılar qazanıb – 3:2.

Millimiz qrup mərhələsində Slovakiya, Moldova və Türkiyə – Yunanıstan cütünü qalibi ilə qarşılaşacaq. Qrup qalibləri və ən yaxşı göstəriciyə malik 6 komanda final mərhələsinə birbaşa vəsiqə qazanacaq.