“Qəbələ”nin forvardı yığmadan məğlubiyyətlə qayıdır

“Qəbələ”nin hücumçusu Sergey Zenyov Estoniya yığmasının heyətində növbəti matçına çıxıb. Allsport.az xəbər verir ki, o, komandasının İsveçrə ilə ev oyununun iştirakçısı olub.

Start heyətdə meydana çıxan Zenyov 61-ci dəqiqədə əvəzlənib. Komandası isə 90+4-cü dəqiqədə buraxılan avtoqol sayəsində meydanı 0:1 hesablı məğlubiyyətlə tərk edib.

Qeyd edək ki, Estoniya yığması 10 xalla qrupda dördüncü yeri tutub.