“Qarabağ”ın forvardı təcili İsveçrəyə getdi

“Qarabağ”ın hücumçusu İnnosent Emeqaranın adının bu gün “Qəbələ” ilə Premyer Liqanın 16-cı turunun oyununun iştirakçıları sırasına düşməməsinin səbəbi bəlli olub. Allsport.az xəbər verir ki, o, matçın başlamasına bir neçə saat qalmış təcili Bakıya qayıdıb.

Emeqara paytaxtdan İsveçrəyə yola düşüb. Buna səbəb futbolçunun anasının səhhətində problem yaranmasıdır. Bu üzdən də o, baş məşqçi Qurban Qurbanovun icazəsi ilə İsveçrəyə yollanıb. (qol.az)