Ruslan Qurbanov oynamadı, “Hayduk” derbidə qələbəni əldən verdi

Xorvatiya çempionatında 25-ci turun oyunları keçirilib. Allsport.az xəbər verir ki, azərbaycanlı futbolçu Ruslan Qurbanovun komandası – “Hayduk” da növbəti matçına çıxıb.

Split təmsilçisi doğma meydanda lider “Dinamo” ilə qarşılaşıb. Zaqreb təmsilçisi ilə görüşün son dəqiqələrində qol buraxan “Hayduk” heç-heçə ilə kifayətlənməli olub – 1:1. Ruslan bu görüşün iştirakçısı olmayıb.

Qeyd edək ki, “Hayduk” hazırda 37 xalla 4-cü pillədə qərarlaşıb.