Yığmamız xorvatlara böyük hesabla məğlub oldu

Azərbaycanın 17 yaşadək futbolçulardan ibarət yığma komandası bu gün daha bir yoxlama oyunu keçirib. Allsport.az xəbər verir ki, millimiz Antalya toplanışı çərçivəsində Xorvatiyanın “Split” klubunun əsas heyəti ilə qarşılaşıb.

Mirbağır İsayevin komandası bu görüşdən 0:4 hesablı məğlubiyyətlə üzləşib.

Xatırladaq ki, bu gün səhər U-17 yığmamız “Balkan Fənərbağça” klubunun 17 yaşlıları ilə də qarşılaşmış və 9:0 hesabıyla qalib gəlmişdi.