“Kəməri Braziliyaya aparacağam”

Braziliyalı UFC döyüşçüsü Karlos Prates yarımorta çəki dərəcəsində çempion olan İslam Maxaçevə meydan oxuyub.

Allsport.az xəbər verir ki, Maxaçev avqustun 16-da irlandiyalı İan Qeriyə qalib gəldikdən sonra növbəti döyüşünü Pratesə qarşı keçirmək istədiyini bildirib.

Braziliyalı idmançı isə sosial şəbəkədə yayımladığı videoda ona cavab verib:

“Mən səni nokaut edəcəyəm, qardaş. Nokaut edəcəyəm. Bu kəməri Braziliyaya aparacağam. Braziliyadan UFC-də yarımorta çəkidə ilk çempion olacağam”.

Karlos Prates MMA-da keçirdiyi 27 döyüşün 21-də qalib gəlib. İslam Maxaçev isə 30 döyüşdə 29 qələbə qazanıb.