Ölkə başçısı BAF-ın prezidentini qəbul edib

Azərbaycan prezidenti İlham Əliyev sentyabrın 26-da Beynəlxalq avtomobil federasiyasının prezidenti Məhəmməd Ben Sulayem ilə görüşüb. Allsport.az saytı xəbər verir ki, söhbət zamanı hər il olduğu kimi, bu dəfə də paytaxtımızda Formula-1 yarışının yüksək səviyyədə təşkil edildiyi nəzərə çatdırılıb.

Ölkəmizin turizm potensialının təbliği baxımından bu yarışların əhəmiyyəti vurğulanıb. Görüşdə beynəlxalq qurumun Azərbaycan avtomobil federasiyası və klublar ilə əməkdaşlığından məmnunluq ifadə edilib, tərəfdaşlığın perspektivləri müzakirə olunub.