“Bəzi məqamlar var ki, üzərində işləməliyik”

Premyer liqanın 4-cü turunda keçirilən “Turan Tovuz” – “Sumqayıt” (2:1) matçından sonra ev sahiblərinin baş məşqçisi Qurban Berdiyev mətbuat konfransında jurnalistlərin suallarını cavablandırıb.

Allsport.az xəbər verir ki, mütəxəssis oyun haqqında təəssüratlarını bölüşüb:

“Güman etdiyimiz kimi oyun ağır keçdi. Bu gün qələbə psixoloji cəhətdən yaxşı oyundan daha vacib idi. Bəzi epizodlarda pis oynamadıq. Amça bəzi məqamlar var ki, üzərində işləməliyik”.