“Yeganə edə biləcəyimiz üzr istəməkdir”

“Mançester Yunayted”in yarımmüdafiəçisi Yuri Tillemans çempionlar liqasının liqa mərhələsində “Komo”ya 1:4 hesabı ilə məğlubiyyətdən sonra fikirlərini bölüşüb.

Allsport.az xəbər verir ki, futbolçu komandanın zəif çıxış etdiyini və azarkeşlərdən üzr istəməli olduqlarını bildirib:

“Çox zəif oynadıq. Artıq ikinci dəqiqədə qol buraxdıq və dərhal əlverişsiz vəziyyətə düşdük.

Fasilədə oyuna necə qayıda biləcəyimizi müzakirə etdik, amma ikinci hissənin əvvəlində rəqib yenidən qol vurdu. Soyunub-geyinmə otağında ab-hava ağır idi.

Heç nə alınmadı. Meydanda pərakəndə görünürdük, komanda oyunumuz alınmırdı, pressinq işləmirdi, topa sahib olanda isə səhv qərarlar verirdik. Oyundan narazılığımızın səbəbi də budur. Rəqib bizi çox asanlıqla keçirdi. Uğursuz axşam oldu.

Azarkeşlər bizə dəstək olmaq üçün bu qədər məsafə qət edirlər, amma qarşılığında belə oyun görürlər. Edə biləcəyimiz yeganə şey üzr istəməkdir.

Bununla belə, nə qədər üzr istəsək də, meydanda buna uyğun oyun göstərməliyik. Hazırda isə bunu bacarmırıq.

Azarkeşlər üçün hazırda klubu dəstəkləmək asan deyil. Biz mübarizə aparmağa borcluyuq”.