Lamiyə Vəliyeva dünya rekordu ilə paralimpiya çempionu olub

Paris yay paralimpiya oyunlarının 6-cı günündə daha bir paralimpiyaçımız öz gücünü sınayıb.

Allsport.az xəbər verir ki, paralimpiya və 4 qat dünya çempionu Lamiyə Vəliyeva T-13 kateqoriyasında 100 metr məsafəyə qaçışda özünü yoxlayıb.

O, 11.76 saniyə nəticə ilə finiş xəttini birinci keçib. Lamiyə yeni dünya rekordunu müəyyənləşdirib. Paratletimiz Rio-2016 paralimpiadasında ukraynalı Leilia Adjametovanın 11,79 saniyəlik nəticəsini yaxşılaşdırıb.