Pavel Paşayevli “Metallurq” yenə darmadağınla üzləşdi

Ukrayna çempionatında 11-ci turun oyunları keçirilib. Allsport.az xəbər verir ki, Azərbaycan yığmasının müdafiəçisi Pavel Paşayevin komandası – “Metallurq” da növbəti matçına çıxıb.

Zaporojye klubu səfərdə Odessa “Çernomorets”i ilə qarşılaşıb. Matç futbolçumuzun komandasının 2:5 hesablı məğlubiyyəti ilə başa çatıb. Start heyətdə meydana çıxan Pavel sonadək mübarizə aparıb.

Qeyd edək ki, “Metallurq” geridə qalan turlarda cəmi 3 xal qazanıb və 14 klub arasında sonuncu pillədə qərarlaşıb.