“Qəbələ”də makedoniyalı baş məşqçi

Allsport.az xəbər verir ki, “qırmızı-qaralar” Yeton Bekiri ilə “1+2” illik müqavilə bağlayıb. 44 yaşlı mütəxəssis son olaraq “Şkendiya” klubuna rəhbərlik edib.

O, müxtəlif illərdə “Drita”, “Qostivar”, “Renova”, “Struqa” (hamısı Şimali Makedoniya) və “Bilis” (Albaniya) klublarının başında olub, “Əl-Cabalayn”da (Səudiyyə Ərəbistanı) idman direktoru işləyib.

Balkanlı çalışdırıcı 2024/2025 mövsümündə “Şkendiya” ilə Şimali Makedoniya çempionu olub. O, “Qəbələ”də sentyabrın 20-dən fəaliyyətə başlayacaq.