Rizvan Fərzəliyev: «Qələbəni Azərbaycan ordusuna həsr edirik»

Bu gün Azərbaycan millisi doğma divarlar arasında dünya çempionatının final mərhələsinə çıxmaq uğrunda Niderland futzalçıları ilə cavab matçına çıxıb. Allsport.az saytı xəbər verir ki, ilk oyunda səfərdə 5:1 qalib gələn «ay-ulduzlular»ımız, Bakıda güclü rəqiblə 4:4 heç-heçə edərək tarixi uğura yetişib.

Millimizin kapitanı Rizvan Fərzəliyev açıqlamasında deyib ki, qələbədə hamının payı var: «Azarkeşlərimizə təşəkkür edirəm. Bu gün onlar bizi tək qoymadılar. Qələbəni Azərbaycan ordusuna həsr edirik. Evdə də qalib gəlmək istəyirdik. Hesabda üstünlüyümüz vardı, əldən verdik. Amma heç-heçə də bizi final mərhələsinə daşıdı».