Stolüstü tennisçilər Şəkidə

Azərbaycanın yeniyetmə stolüstü tennisçiləri qarşıdakı yarışlara hazırlığı davam etdirirlər.

Allsport.az xəbər verir ki, bu məqsədlə növbəti təlim-məşq toplanışı təşkil olunub.

Şəki olimpiya idman kompleksində keçirilən toplanışa müxtəlif bölgələrdən 16 istedadlı idmançı qatılıb.

Onlar bu gündən etibarən məşqçilər Qulu Quliyev, Rza Mirzəyev, Billurə Eminova və Gülnarə İbrahimovanın rəhbərliyi ilə fiziki, texniki və taktiki bacarıqlarını artırmağa çalışacaqlar. Hazırlıq prosesinə sentyabrın 1-də yekun vurulacaq.