1/4 finalda

İspaniyalı tennisçi Karlos Əlqərəz Parisdə keçirilən “Ustadlar” turnirinin 1/4 finalına yüksəlib.

Allsport.az xəbər verir ki, dünya reytinqinin üçüncü pilləsində qərarlaşan tennisçinin üçüncü raunddakı rəqibi Matteo Berrettini matç başlamazdan əvvəl yarışdan çəkilib.

Bu, ispaniyalının cari mövsümdə 1/4 finala yüksəldiyi səkkizinci turnirdir. O, əvvəlki yeddi belə mərhələdə 6 qələbə və 1 məğlubiyyət əldə edib.

Əlqərəz yarımfinala yüksəlmək uğrunda Artur Fis – Teylor Fris matçının qalibi ilə qarşılaşacaq.