Avropa oyunlarında zərbədən huşunu itirən idmançımızın durumu sabitləşib

Azərbaycan karateçisi Fəridə Əliyeva (+68 kq) Krakov-2023 Avropa oyunlarında italiyalı Klio Ferrakutti ilə döyüşdə burnu sınıb. Allsport.az saytı xəbər verir ki, bu durumda o huşunu itirib.

İdmançımız dərhal xəstəxanaya aparılıb, sistem köçürülüb, ilkin tibbi yardım göstərilib. Nokaut o qədər ciddi olub ki, Fəridə öncə harda olduğunu bilməyib, ətrafdakıları tanımayıb.

Onun vəziyyəti indi sabitdir, bütün tibbi müayinələrdən sonra klinikadan buraxılıb və bu gün Bakıya qayıdacaq.